საპატრიარქოს ინფორმაციით, შობის დღესასწაულის შემდეგ უბისის მონასტრის საკითხის შესწავლას კომისია შეუდგება

საპატრიარქოს ინფორმაციით, შობის დღესასწაულის შემდეგ უბისის მონასტრის საკითხის შესწავლას კომისია შეუდგება.

როგორც საპატრიარქოს მიერ გავრცელებულ განცხადებაშია აღნიშნული, 14 დეკემბერს საქართველოს საპატრიარქოში შევიდა წერილი მრავალრიცხოვანი ხელმოწერით.

„აღნიშნული წერილით სოფლის მოსახლეობა საპატრიარქოსაგან ითხოვდა უბისის წმინდა გიორგის სახელობის მონასტერთან დაკავშირებულ პრობლემებზე ყურადღების მიქცევას.

განვითარებულმა მოვლენებმა ცხადყო იქ არსებული პრობლემების სიმძიმე. თავის მხრივ, ეპარქიის მმართველმა მღვდელმთავარმა საპატრიარქოსგან მოითხოვა საკითხის შემსწავლელი კომისიის შექმნა.

საზოგადოებრივი ინტერესიდან გამომდინარე, გაცნობებთ, რომ შობის დღესასწაულის შემდეგ უბისის მონასტრის საკითხის შესწავლას შეუდგება კომისია. მანამდე კი საჭიროა სიმშვიდის შენარჩუნება, რათა განსახილველი საკითხი არ გასცდეს ეკლესიური ეთიკის ფარგლებს“, - ნათქვამია განცხადებაში.

შეგახსენებთ, რამდენიმე დღის წინ, უბისის წმინდა გიორგის სახელობის ტაძრის შესასვლელი მრევლმა აჭედა და საპროტესტო აქცია გამართეს. ისინი მოითხოვდნენ, მონასტერს განარიდონ მეუფე მელქისედეკის მიერ მივლენილი ორი ბერი, რომლებსაც, აქციის მონაწილეების განცხადებით, "საეჭვო რეპუტაცია აქვთ". აქციის მონაწილეებმა საპატრიარქოს კომისიის ჩართულობა მოითხოვეს.

აღნიშნულ აქციას გამოეხმაურა მეუფე მელქისედეკი და მრევლის ნაწილის ბრალდებას უსაფუძვლო და მართული უწოდა. მეუფემ განაცხადა, რომ თავადაც სურს, კომისიამ განიხილოს საკითხი და დადგინდეს რა მოხდა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის