შეერთებული შტატები დააფინანსებს პროექტებს, მათ შორის სათვალთვალო-სადამკვირვებლო აღჭურვილობას, იმისთვის, რომ უკრაინამ რუსეთსა და ბელარუსთან საზღვრები გააძლიეროს, - მედიის ინფორმაციით, ამის შესახებ უკრაინის სასაზღვრო სამსახურში განაცხადეს.

უწყების განმარტებით, 20 მილიონი აშშ დოლარის ღირებულების პროექტები მოიცავს ვიდეო ჩამწერი სისტემების და დრონების, ასევე მესაზღვრეებისთვის პირადი დამცავი აღჭურვილობის შეძენას.

შეგახსენებთ, კიევი მოსკოვს მის საზღვრებთან, შესაძლო თავდასხმის მიზნით, ათობით ათასი ჯარისკაცის მობილიზებაში ადანაშაულებს. რუსეთი თავდასხმის შესახებ გეგმას უარყოფს და უკრაინასა და შეერთებულ შტატებს დესტაბილიზაციის გამომწვევ ქმედებებში ადანაშაულებს. ამასთან, მოსკოვი ნატოსა და აშშ-სგან გარანტიებს ითხოვს, რომ ნატო აღმოსავლეთისკენ არ გაფართოვდება.