მსოფლიოში, გასული კვირის განმავლობაში, კორონავირუსით 4 985 093 ადამიანი დაინფიცირდა, 44 000-ზე მეტი გარდაიცვალა, - ინფორმაციას ჯანდაცვის მსოფლიო ორგანიზაცია ავრცელებს.
ორგანიზაციის განცხადებით, გასული კვირის განმავლობაში, წინა კვირასთან შედარებით, ინფიცირებულთა რაოდენობა 11%-ით არის გაზრდილი, თუმცა ფატალური შემთხვევების მაჩვენებელი არ გაზრდილა.
აღსანიშნავია, რომ ინფიცირების ახალი შემთხვევების 57% ევროპის რეგიონში დაფიქსირდა.
გასული კვირის განმავლობაში, ინფიცირების ყველაზე მეტი, 1 185 653 შემთხვევა შეერთებულ შტატებში გამოვლინდა, მას მოსდევს გაერთიანებული სამეფო - 611 864 შემთხვევით, საფრანგეთი - 504 642 ინფიცირებულით, იტალია - 257 579 და გერმანია - 197 845 შემთხვევით.