სუდანში ოქროს მომპოვებელი მაღაროს ჩამონგრევის შედეგად ათობით ადამიანი დაიღუპა
სუდანის კორდოფანის პროვინციაში ოქროს მაღაროს ჩამონგრევის შედეგად დაღუპულთა რაოდენობა 38-მდე გაიზარდა, - ინფორმაციას „ალ-ჯაზირა“ ავრცელებს.
სუდანის მინერალური რესურსების კომპანიის მიერ გამოქვეყნებულ განცხადებაში აღნიშნულია, რომ დახურული, უფუნქციო მაღარო, სადაც უბედური შემთხვევა მოხდა, სოფელ ფუჯაში, დედაქალაქ ხარტუმიდან 700 კილომეტრში მდებარეობს. კომპანიამ განმარტა, რომ მაღარო უსაფრთხოების ნორმების დარღვევის გამო დახურული იყო, თუმცა ადგილობრივი მაღაროელები იქ სამუშაოებს თვითნებურად აწარმოებდნენ.
ამასთან, გავრცელებული ინფორმაციით, არ არის გამორიცხული მსხვერპლის რაოდენობა კიდევ უფრო გაიზარდოს, რადგან დაუზუსტებელია, რამდენი ადამიანი იმყოფებოდა იქ შემთხვევის დროს.
ცნობისათვის, სუდანის ოქროს მომპოვებელ მაღაროებში უბედური შემთხვევები ხშირია, რაც უსაფრთხოების არასათანადო სტანდარტებითაა გამოწვეული.
v-if="article.gallery" v-html="article.gallery"
