პარლამენტის სასახლეში „მზის შვილების" ბენეფიციარების მიერ დამზადებული საახალწლო აქსესუარების გამოფენა-გაყიდვა გაიმართა

პარლამენტის სასახლეში არასამთავრობო ორგანიზაცია „მზის შვილების" ბენეფიციარების და მათი მშობლების მიერ დამზადებული საახალწლო აქსესუარების გამოფენა-გაყიდვა გაიმართა. ამის შესახებ პარლამენტის პრესსამსახურის მიერ გავრცელებულ ინფორმაციაშია ნათქვამი.

პარლამენტის წევრებმა საახალწლო ხელნაკეთი ნივთების გამოფენისთვის ორგანიზაციის წარმომადგენლებს მადლობა გადაუხადეს და დამდეგი ახალი წელი მიულოცეს.

„წინასაახალწლოდ, საქართველოს პარლამენტში, ორგანიზაცია „მზის შვილების" მიერ ხელნაკეთი ნივთების გამოფენა-გაყიდვა უკვე ერთგვარ ტრადიციას წარმოადგენს. სასურველია თუ მსგავსი ღონისძიებები სხვა დროსაც გაიმართება, რადგან აქსესუარების და ხელნაკეთი ნივთების გაყიდვიდან შემოსული თანხა ორგანიზაციის ბენეფიციარების საჭიროებებს ხმარდება", - განაცხადა პარლამენტის თავმჯდომარის პირველმა მოადგილემ, გიორგი ვოლსკიმ.

პარლამენტის წევრის, რიმა ბერაძის შეფასებით, მნიშვნელოვანია, რომ საახალწლო აქსესუარების დამზადებაში „მზის შვილების" ბენეფიციარები აქტიურად არიან ჩართულები და ხელნაკეთი ნივთები მათი მონაწილეობით მზადდება. „გამოფენა-გაყიდვაზე „მზის შვილების" ცენტრმა ძალიან კარგი ნივთები წარმოადგინეს და მიხარია, რომ პარლამენტმა ხელი შეუწყო ამ პროცესს. ბავშვებმა თავიანთი ნაკეთობებით ჩვენ გაგვახარეს და ჩვენც გავახარეთ. ეს არის ორმხრივი დამოკიდებულება და მნიშვნელოვანია, რომ ყოველთვის ერთმანეთის გვერდით ვიდგეთ", - აღნიშნა რიმა ბერაძემ.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა