ეროვნული სატყეო სააგენტოს შიდა ქართლის სატყეო სამსახურის თანამშრომლებმა, რეგიონში მცხოვრებ მრავალშვილიან ოჯახებს საახალწლო საჩუქრები გადასცეს. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
მათივე ცნობით, სატყეო სამსახურის თანამშრომლების მიერ, შეძენილი სურსათ-სანოვაგით, ტკბილეულით და სათბობი შეშით ხუთი მრავალშვილიანი ოჯახი ხაშურში, გორში, კასპსა და ქარელში დასაჩუქრდა.
საახალწლო ტკბილეული და სათბობი შეშა სამცხე - ჯავახეთის რეგიონში მცხოვრებმა მრავალშვილიანმა ოჯახებმაც მიიღეს. სატყეო სამსახურის თანამშრომლებმა სურსათ-სანოვაგე და ოთხ მრავალშვილიან ოჯახს ახალციხეში, ასპინძასა და ბაკურიანში გადასცეს.