პრეზიდენტის ბარჰამ სალეჰის მიერ გამოქვეყნებული ბრძანებულების თანახმად, ერაყის ახალი პარლამენტი 9 იანვარს შეიკრიბება. პირველ სესიაზე პარლამენტის თავმჯდომარეს და ორ მოადგილეს აირჩევენ. მოგვიანებით მოხდება ახალი პრეზიდენტის არჩევა, რომელიც ყველაზე დიდი ბლოკის ლიდერს მთავრობის ფორმირებას დაავალებს.

ერაყში 10 ოქტომბერს რიგგარეშე ვადამდელი არჩევნები ჩატარდა. ხმების უმრავლესობა შიიტურმა კოალიციამ გაიმარჯვა, რომელსაც მოქთადა ალ-სადრი ხელმძღვანელობს . ალ-სადრის ბლოკი, რომელიც პარლამენტში უმრავლესობას წარმოადგენს, 73 ადგილს დაიკავებს. მათი მოწინააღმდეგე ფატაჰის ალიანსი, რომელიც პრო-თეირანულ სამხედროებთანაა დაკავშირებული, მხოლოდ 17 ადგილის დაკავებას შეძლებს.

ფატაჰის ბლოკის წარმომადგენლებსა და მოქთადა ალ-სადრს შორის რამდენიმე დღის წინ შეხვედრა გაიმართა, მთავარ სასაუბრო თემას მთავრობის ფორმირება წარმოადგენდა. მხარეებს შეხვედრის შემდეგ განცხადებები არ გაუკეთებიათ.