ქუთაისის საერთაშორისო აეროპორტში კორონავირუსზე ტესტირების მეორე პუნქტი ამოქმედდა.

საქართველოს აეროპორტების გაერთიანების ინფორმაციით, მგზავრებს კორონავირუსზე ტესტირების ჩატარება ჩამოფრენის დარბაზში შეუძლიათ.

„დავით აღმაშენებლის სახელობის აეროპორტში მგზავრს სამი სახის Covid 19-ის PCR კვლევის ჩატარება შეუძლია: სიახლეა ნერწყვით Covid -19 ის PCR ტესტი, რომლის ღირებულება 200 ლარია და პასუხს მგზავრი აეროპორტშივე 90 წუთში მიიღებს. ასევე ტარდება: Covid 19-ის PCR ტესტი (ცხვირ-ხახის ნაცხი პასუხი 8 საათში) ფასი -70 ლარს შეადგენს, Covid -19 ის PCR ტესტი ცხვირ-ხახის ნაცხი (3-4 საათში) ფასი -120 ლარია. რაც შეეხება ანტიგენზე დაფუძნებულ სწრაფ ტესტს, Covid -19 ის სწრაფი ტესტი (Ag) მეთოდით - 30 ლარი ღირს.

რაც შეეხება ,,იუნიქის“ ტესტირების პუნქტს, ის აეროპორტის გარე პერიმეტრზე, ჩამოფრენის დარბაზთან მდებარეობს. სწრაფი ტესტის ღირებულება იუნიქში - 40 ლარი; PCR ტესტი - 80 ლარი, ხოლო სწრაფი ანტიგენ ტესტი 40 ლარი ღირს“,- აღნიშნულია გავრცელებულ ინფორმაციაში.