სომხეთის სამოქალაქო ავიაციის სამსახურმა „ფლაივან არმენიას“ ერევანი-სტამბოლის მიმართულებით ჩარტერული ავიარეისების ნებართვა მისცა.

ავიაკომპანია „ფლაივან არმენიას“ წარმომადგენლების განცხადებით, მათ სომხეთის და თურქეთის მთავრობებს ჩარტერული ფრენების ნებართვის მისაღებად რამდენიმე დღის წინ მიმართეს და ახლა ნებართვას თურქეთის მთავრობის ელოდებიან. იქამდე კი, 16 დეკემბერს თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ თურქეთის ხელისუფლება სტამბოლი-ერევანი-სტამბოლის მიმართულებით ფრენების განხორციელების შესახებ თურქული და სომხური ავიახაზების განცხადებას განიხილავს.