აშშ-ის კოლორადოს შტატში, ქალაქ დენვერთან ახლოს ტყეში ძლიერი ხანძარი გაჩნდა. ცეცხლის სწრაფად გავრცელების გამო შტატის ხელისუფლებამ ქალაქების - ლუიზვილისა და სუპერიოდის მოსახლეობას სახლების დაუყოვნებლივ დატოვებისკენ მოუწოდა.
ამასთან, შტატის გუბერნატორმა ჯარედ პოლისმა კოლორადოში საგანგებო მდგომარეობა გამოაცხადა.
„ჩვენ იმედი გვაქვს, რომ ძლიერი ქარი მალე ჩადგება და ხანძრის ჩაქრობა მოხერხდება. ის პირები, რომლებიც ხანძარმა დააზარალა მარტო არ არიან და ჩვენ მათ გვერდით ვდგავართ“, -განაცხადა მან.
BBC წერს, რომ ამ დროისთვის შტატში ქარის სიჩქარე 105 კმ/სთ-ს აღემატება.