კოლორადოს შტატში, ბოულდერის მუნიციპალიტეტის ორ ქალაქში გაჩენილი ხანძრის შედეგად ათასამდე სახლი გაანადგურა. ინფორმაციას The Guardian ავრცელებს.

ბოულდერის ოლქის შერიფის ჯო პელეს განცხადებით, სამი ადამიანი დაკარგულად ითვლება და ისინი ცხოვრობდნენ სახლებში, რომლებიც ხანძარმა გაანადგურა.

ოფიციალური პირებმა თავდაპირველად აღნიშნეს, რომ ხანძრის გაჩენა ქარის მიერ ჩამოგდებული ელექტროგადამცემი ხაზების ნაპერწკლებმა გამოიწვია, თუმცა კომუნალური კომპანიის Xcel Energy-ს ინსპექტირების შედეგად დაზიანებული ან ჩამოგდებული ხაზები ხანძრის სავარაუდო წყაროსთან არ აღმოჩენილა. ქალაქ დენვერთან ახლოს ტყეში ძლიერი ხანძარი 31 დეკემბერს გაჩნდა. ცეცხლის სწრაფად გავრცელების გამო შტატის ხელისუფლებამ ქალაქების - ლუიზვილისა და სუპერიოდის მოსახლეობას სახლების დაუყოვნებლივ დატოვებისკენ მოუწოდა.