გაერო-ს გენერალური მდივანი ანტონიო გუტერეში ბირთვული ომის პრევენციისა და გამალებული შეირაღების თავიდან აცილების შესახებ ბირთვული იარაღის მქონე სახელმწიფოების ერთობლივ განცხადებას მიესალმება.

მისი თქმით, სახელმწიფოებს შორის ორმხრივი და მრავალმხრივი შეთანხმება ბირთვული იარაღის გაუვრცელებლობის, განაირაღებისა და კონტროლის შესახებ მშვიდობის მისაღწევად წინგადადგმული ნაბიჯია. თუმცა ანტონიო გუტერეშმა აქვე განაცხადა, რომ ბირთვული რისკების აღმოფხვრის ერთადერთი გზა ბირთვული იარაღის განადგურებაა.

შეგახსენებთ, აშშ-მა, რუსეთმა, დიდმა ბრიტანეთმა, საფრანგეთმა და ჩინეთმა ბირთვული იარაღის მქონე სახელმწიფოებს შორის ომის დაუშვებლობის შესახებ ერთობლივი განცხადება გაავრცელეს.