ბრაზილიის პრეზიდენტი ჟაირ ბოლდონარუ საავადმყოფოში გადაიყვანეს. ამის შესახებ ინფორმაცია თავად პრეზიდენტმა სოციალურ ქსელ „ტვიტერში“ გაავრცელა.

„თავს ცუდად კვირა დილიდან ვგრძნობდი, ორშაბათს კი საავადმყოფოში მოვედი. მეტი გამოკვლევაა საჭირო მუცლის არეში სავარაუდო ოპერაციისთვის", - წერს ის.

ექიმების განცხადებით, 66 წლის პრეზიდენტის მდგომარეობა ამჟამად სტაბილურია. გასულ წელს ბოლსონარუ საავადმყოფოში მუცლის ძლიერი ტკივილის გამო რამდენჯერმე გადაიყვანეს. 2018 წელს წინასაარჩევნო კამპანიის ფარგლებში ამომრჩეველთან შეხვედრის დროს ის ცივი იარაღით მუცლის არეში დაჭრეს.