საფრანგეთის სამხრეთ ნაწილში კორონავირუსის ახალი შტამი დადასტურდა. ამის შესახებ ინფორმაციას ფრანგული მედია ავრცელებს.
მათი ცნობით, Covid-19-ის ახალი შტამი, რომელსაც დროებით მიენიჭა სახელი - B.1.640.2. 12 ადამიანს დაუდასტურდა. ამასთანავე, არსებული ცნობით, პირველად კორონავირუსის ახალი ვარიანტი დაუდასტურდა პირს, რომელიც კამერუნში მოგზაურობიდან დაბრუნდა. ექსპერტები გამოთქვამენ ვარაუდს, რომ ახალი შტამი, შესაძლოა, აფრიკის ქვეყნიდან იყოს.
Covid-19-ის ახალი ვარიანტის კვლევა მიმდინარეობს, თუმცა ამ დროისთვის ცნობილია, რომ მას 46 მუტაცია აქვს.