უკრაინა 60 წლის ზემოთ ადამიანებს კოვიდის საწინააღმდეგო ვაქცინის „ბუსტერ“ დოზას გაუკეთებს. შესაბამის ბრძანებას ხელი უკრაინის ჯანდაცვის მინისტრმა ვიქტორ ლიაშკომ ექსპერტების ჯგუფის რეკომენდაციის საფუძველზე მოაწერა.
„ბუსტერ“ დოზის მიღების ოპტიმალური დრო ვაქცინის მეორე დოზის გაკეთებიდან 6-9 თვის პერიოდი იქნება.
„ჩვენ დავუშვით „ბუსტერ“ დოზის გაკეთება 60 წლის ზემოთ ადამიანებში იმის მიუხედავად, რომელი ვაქცინით არიან ისინი აცრილები. ამ ასაკობრივ კატეგორიაში ადამიანები „ბუსტერ“ დოზის გაკეთებას, ვაქცინის მეორე დოზიდან მინიმუმ 6 თვის გასვლის შემდეგ შეძლებენ“, - განაცხადა ჯანდაცვის მინისტრმა.
უკრაინაში „ბუსტერ“ დოზის გასაკეთებლად უპირატესობა „მოდერნასა“ და „ფაიზერის“ვაქცინებს მიენიჭება.