სამხრეთ კორეის სამხედროების განცხადებით, ჩრდილოეთ კორეამ აღმოსავლეთ სანაპიროზე სულ მცირე ერთი ამოუცნობი ჭურვი გაუშვა. ინფორმაციას DW ავრცელებს.

სამხრეთ კორეის გაერთიანებული შტაბის უფროსების განცხადებაში ნათქვამია, რომ ჭურვი კორეის ნახევარკუნძულის აღმოსავლეთით ზღვაში გაისროლეს. მოგვიანებით მათ განაცხადეს, რომ სავარაუდოდ, ეს იყო ბალისტიკური რაკეტა.

იაპონური მედია იტყობინება, რომ სავარაუდო ბალისტიკური რაკეტა იაპონიის ზღვაში, ჩავარდა. იაპონიის თავდაცვის მინისტრმა ნობუო კიშიმ ჟურნალისტებს განუცხადა, რომ ჭურვმა დაახლოებით 500 კილომეტრი მანძილის დაფარვა შეძლო.

„გასული წლიდან ჩრდილოეთ კორეამ არაერთხელ გაუშვა რაკეტები, რაც ძალიან სამწუხაროა“, - განუცხადა ჟურნალისტებს იაპონიის პრემიერ-მინისტრმა ფუმიო კიშიდამ.

ჩრდილოეთ კორეას საერთაშორისო სანქციებით, რომელიც ბირთვული იარაღის განვითარების გამო დაუწესდა, ბალისტიკური რაკეტების გამოცდა ეკრძალება. მიუხედავად ამისა, ისინი დროდადრო სხვადასხვა სახის რაკეტას ცდიან.