მედია - ალმატის მერიის შენობაში ხანძარი გაჩნდა, ისმის სროლის ხმაც

ყაზახეთის ქალაქ ალმატის მერიის შენობაში ხანძარი გაჩნდა, ისმის სროლის ხმაც, - ამ ინფორმაციას გამოცემა Reuters სოციალურ მედიაში გავრცელებულ კადრებზე დაყრდნობით ავრცელებს. ამასთან, მედიის ცნობით, ცეცხლი უკიდია პროკურატურის შენობასაც.

ბოლო ინფორმაციით, ყაზახეთში პროტესტის მონაწილეები ალმატის ადმინისტრაციულ ცენტრზე თავდასხმას განაგრძობენ. მომიტინგეებმა ალმატის ადმინისტრაციული ცენტრის შენობაში შეღწევა შეძლეს, სადაც ჩამსხვრეულია ფანჯრები და კარებები. გამოსვლები ყაზახეთის სხვა რეგიონებშიც გრძელდება. "რადიო თავისუფლების" ყაზახეთის ბიუროს ინფორმაციით, ქალაქ აქტაუს ცენტრალურ მოედანზე ასობით ადამიანი რჩება.

შეგახსენებთ, ყაზახეთის პრეზიდენტმა ყასიმ-ჟომართ თოყაევმა ქვეყანაში საწვავის ფასის გამო დაწყებული საპროტესტო აქციების შემდეგ მთავრობის გადადგომის შესახებ გადაწყვეტილებას ხელი მოაწერა. ალმათში და დასავლეთ მანგისტაუს პროვინციაში ორკვირიანი საგანგებო მდგომარეობა გამოაცხადა.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა