ხატია დეკანოიძის განცხადებით, სააკაშვილის საქმეზე საგამოძიებო კომისიის შექმნის შემთხვევაში, კომისიის თავმჯდომარეობის ყველაზე შესაფერისი კანდიდატურა თამარ კორძაიაა

ფრაქცია “ნაციონალური მოძრაობა“ მიხეილ სააკაშვილის წინააღმდეგ „ღირსების შემლახავი ფაქტების შესწავლის საქმეზე საგამოძიებო კომისიის შექნის მიზნით“ პარლამენტში ხელმოწერების შეგროვებას გეგმავს.

როგორც ფრაქციის თავმჯდომარემ ხატია დეკანოიძემ განმარტა, კომისიის შექმნაზე დადგენილების პროექტი პრაქტიკულად მზად არის, ხოლო ხელმოწერების შეგროვება პოლიტიკურად მნიშვნელოვანია, რათა “ქართული ოცნების“ მხრიდან მოსალოდნელი ნებისმიერი დაბრკოლება თავიდან აიცილონ.

მისივე თქმით, საგამოძიებო კომისიის ხელმძღვანელად თამარ კორძაიას კანდიდატურა ესახება და იმედი აქვს, რომ მის ამ პოზიციას ფრაქციის მხარდაჭერა ექნება.

როგორც ხატია დეკანოიძე აცხადებს, კორძაია პარლამენტის დამოუკიდებელი ოპოზიციონერი დეპუტატია, ხოლო მისი სამართლებრივი ცოდნა და გამოცდილება საგამოძიებო კომისიის მუშაობის მხრივ მნიშვნელოვანია.

“აღნიშნული საგამოძიებო კომისიის შექმნის თემაზე გიორგი გახარიას პარტიის წარმომადგენლებთან ვისაუბრე. ჩვენ ძალიან საინტერესო საუბარი გვქონდა. ერთმანეთს არგუმენტები გავუზიარეთ. ამ ეტაპზე ვერ შევთანხმდით, მაგრამ ვფიქრობ, რომ სხვადასხვა მიმართულებით მათთან თანამშრომლობა აუცილებელია“, - განაცხადა ხატია დეკანოიძემ.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა