კიევის პეჩერსკის სასამართლომ უკრაინის მეხუთე პრეზიდენტის პეტრო პოროშენკოს ქონების დაყადაღების შესახებ შუამდგომლობა დააკმაყოფილა.
ამის შესახებ მედია პოროშენკოს ადვოკატ იგორ გოლოვანზე დაყრდნობით ავრცელებს.
"განჩინების სრულ ტექსტს 14 იანვარს წაიკითხავენ", - განაცხადა გოლოვანმა.
ადვოკატის თქმით, პოროშენკოს დაცვის მხარე ამ გადაწყვეტილების გასაჩივრებას გეგმავს.
პეტრო პოროშენკო ამჟამად უკრაინაში არ იმყოფება. პოროშენკომ 6 იანვარს "ფეისბუქზე" განაცხადა, რომ კიევში 17 იანვარს დაბრუნდება.
პეტრო პოროშენკოს წინააღმდეგ გამოძიება სახელმწიფო ღალატის, ტერორიზმის დაფინანსების საქმეზე მიმდინარეობს.