ყაზახეთის პოლიციამ კვლავ დაიწყო პატრულირება ქალაქ აქტაუს ცენტრალურ მოედანზე, ამ დროისთვის ვითარება მშვიდია, - ინფორმაციას Sputnik Kazakhstan ავრცელებს.
„პოლიციამ პატრულირება კვლავ დაიწყო ქალაქ აქტაუში, სადაც აქციები 2 იანვრიდან იმართება, ქალაქში ვითარება ამ დროისთვის მშვიდია. აქციის მონაწილეები კვლავ შეკრებილები არიან. ეს არის რამდენიმე ათეული ადამიანი", - წერია Sputnik Kazakhstan-ის განცხადებაში.
გამოცემის ცნობით, ამ დროისთვის ყაზახეთის სხვა ქალაქებში სიმშვიდეა.
ყაზახეთის საგანგებო სიტუაციების სამინისტროს ინფორმაციით, გასული ღამის განმავლობაში აქტივისტებმა 7 სახანძრო მანქანა გაიტაცეს. ამასთან, საგანგებო სიტუაციების სამსახურის ცნობით, მათ ხანძრის 81 კერის ჩაქრობა მოუწიათ, სახიფათო ზონებიდან კი 143 ადამიანი გაიყვანეს.