რუსთავის მე-12 პენიტენციურ დაწესებულებასთან, სადაც საქართველოს მესამე პრეზიდენტი მიხეილ სააკაშვილია­ მოთავსებული, საინიციატივო ჯგუფი “მიშას სექტორის” ორგანიზებით აქცია “თავისუფლება პრეზიდენტ სააკაშვილს" იმართება.

აქციის მონაწილეები სააკაშვილთან პირადი ექიმის ვიზიტის და სატელეფონო ზარების განხორციელების შეზღუდვას აპროტესტებენ.

ამასთან, აქციის ორგანიზატორების განცხადებით, უმნიშვნელოვანესია ფაქტი,რომელიც სახელმწიფო ინსპექტორის სამსახურმა დაადგინა - არაადამიანური მოპყრობა და წამება საქართველოს მესამე პრეზიდენტის მიმართ.

მათი თქმით, სააკაშვილი ხელისუფლების და ვლადიმერ პუტინის პირადი პატიმარია. აქციის მონაწილეებს ადგილზე მოტანილი აქვთ ბანერები წარწერით - “თავისუფლება მიშას”. ადგილზე მობილიზებულები არიან სამართალდამცველები.