პლატფორმა Worldometers-ის მიხედვით, ბოლო 24 საათში მსოფლიოში კორონავირუსის 2.7 მილიონზე მეტი შემთხვევა დაფიქსირდა, რაც რეკორდული მაჩვენებელია. ამავე მონაცემების თანახმად, მხოლოდ აშშ-ში გასულ 24 საათში კორონავირუსით 850 000-ზე მეტი ადამიანი დაინფიცირდა.

პანდემიის დაწყების დროიდან მსოფლიოში კორონავირუსით ინფიცირებულთა საერთო რაოდენობამ 304 მილიონს მიაღწია.

კოვიდ 19-ს დღემდე 5.49 მილიონზე მეტი ადამიანი ემსხვერპლა. ვირუსისგან განკურნებულების რაოდენობა 258 მილიონს შეადგენს.

მსოფლიოში ამჟამად ინფიცირების 40 მილიონზე მეტი აქტიური შემთხვევა ფიქსირდება.