ნაზარბაევის პრესმდივანი - ნაზარბაევმა თოყაევს უშიშროების საბჭოს ხელმძღვანელის პოსტი თავად გადასცა

ყოფილმა პრეზიდენტმა ნურსულთან ნაზარბაევმა თავად გადაწყვიტა ყაზახეთის უშიშროების საბჭოს თავმჯდომარის პოსტი ყასიმ-ჟომართ თოყაევისთვის გადაეცა, რადგან არეულობა მოითხოვდა "სწრაფ" და "მკაცრ" რეაგირებას. ამის შესახებ ინფორმაციას BBC ნაზარბაევის პრესმდივან აიდოს უკიბაის განცხადებაზე დაყრდნობით ავრცელებს.

როგორც მედია წერს, აქამდე ამ საკითხში სიცხადე არ იყო.

"ამიერიდან მე ვარ ყაზახეთის უშიშროების საბჭოს ხელმძღვანელი", - განაცხადა თოყაევმა 5 იანვარს ქვეყანაში საპროტესტო აქციებისა და ალმათის არეულობის ფონზე. პოსტი ნაზარბაევის უვადოდ ჰქონდა მინიჭებული. თოყაევს არ განუმარტავს, თუ რატომ დატოვა პოსტი ყოფილმა პრეზიდენტმა.

ნაზარბაევს, როგორც პირველ პრეზიდენტს, დღემდე აქვს ერის ლიდერის - ,,ელბასის“ სტატუსი.

„ელბასი მთელი ეს დღეები იყო ნურ-სულთანში და მხარს უჭერდა სახელმწიფოს მეთაურს. თუმცა, სიტუაცია ძალიან რთული იყო და ამიტომ თავად "ელბასმა" გადაწყვიტა უშიშროების საბჭოს თავმჯდომარის თანამდებობა გადაეცა პრეზიდენტისთვის, რადგან კარგად იცოდა, რომ არეულობები და ტერორი მოითხოვდა სწრაფ, მკაცრ და უკომპრომისო პასუხს ქვეყნის ხელმძღვანელობისგან", - განაცხადა ნაზარბაევის პრესმდივანმა.

მისი თქმით, მედიასა და სოციალურ ქსელებში „პირველი პრეზიდენტის შესახებ ცრუ ჭორებისა და პროვოკაციული ჩანაწერების დიდი რაოდენობით გავრცელება“ უნდა ჩაითვალოს პოლიტიკური სიტუაციის დესტაბილიზაციისა და „სახელმწიფოს კონსტიტუციური საფუძვლების შელახვის მცდელობად“.

გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
ქართული პრესის მიმოხილვა 20.01.2022
ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს