"დოიჩე ველე" - უკრაინაში შეჭრის შემთხვევაში რუსეთს ვაშინგტონის მხრიდან მკაცრი ეკონომიკური სანქციები დაეკისრება

უკრაინაში შეჭრის შემთხვევაში, ვაშინგტონმა შესაძლოა რუსეთი იმ ქვეყნების ჯგუფში შეიყვანოს, რომლებსაც ექსპორტის კონტროლის ყველაზე მკაცრი შეზღუდვები აქვთ დაწესებული. ამის შესახებ ინფორმაციას "დოიჩე ველე" ავრცელებს.

როგორც მედია წერს, უკრაინაში შეჭრის შემთხვევაში რუსეთს ვაშინგტონის მხრიდან მკაცრი ეკონომიკური სანქციები დაეკისრება. ამის შესახებ ჯოზეფ ბაიდენის ადმინისტრაციის წარმომადგენლებმა ანონიმურობის პირობით, 8 იანვარს, თეთრი სახლის მიერ ორგანიზებულ სატელეფონო ბრიფინგზე ჟურნალისტებთან განაცხადეს.

რუსეთის იურიდიული პირების წინააღმდეგ პირდაპირი სანქციების გარდა, სერიოზული შეზღუდვები შეიძლება დაწესდეს აშშ-დან რუსეთის ფედერაციაში ექსპორტირებულ პროდუქტებზე, ასევე უცხოური წარმოების საქონელზე.

ამრიგად, რუსეთი შეიძლება შეერთებულმა შტატებმა შეიყვანოს იმ ქვეყნების ჯგუფში, რომლებსაც აქვთ ყველაზე მკაცრი შეზღუდვები ექსპორტის კონტროლზე. ოფიციალური პირების ინფორმაციით, სიაში უკვე შედის კუბა, ირანი, ჩრდილოეთ კორეა და სირია.

”რუსეთთან ნებისმიერი სერიოზული საუბარი ევროპის უსაფრთხოებაზე უნდა მოიცავდეს ამ პრობლემებს”, - განაცხადა ოფიციალურმა წარმომადგენელმა.

რუსეთი და შეერთებული შტატები, სავარაუდოდ, 10 იანვარს ჟენევაში მოლაპარაკებებს გამართავენ. ნატო-რუსეთის საბჭოს (NRC) შეხვედრა ელჩების დონეზე 12 იანვარს გაიმართება.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 11.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო