აშშ-ის სახელმწიფო მდივნის მოადგილე - აშშ მხარს უჭერს სუვერენული ქვეყნების თავისუფლებას, თავად აირჩიონ საკუთარი ალიანსები

აშშ-ის სახელმწიფო მდივნის მოადგილე, უენდი შერმანი რუსეთის საგარეო საქმეთა მინისტრის მოადგილეს, სერგეი რიაბკოვს ჟენევაში შეხვდა, - ინფორმაციას აშშ-ის სახელმწიფო დეპარტამენტი ავრცელებს.

მათი ინფორმაციით, შერმანმა და რიაბკოვმა იმ ორმხრივ საკითხებზე ისაუბრეს, რასაც მხარეები 10 იანვარს, სტრატეგიული სტაბილურობის დიალოგის საგანგებო შეხვედრის დროს განიხილავენ.

„სახელმწიფო მდივნის მოადგილემ და რუსეთის საგარეო საქმეთა მინისტრის მოადგილემ ისაუბრეს ორმხრივ საკითხებზე, რომლებსაც ორივე მხარე 10 იანვარს სტრატეგიული სტაბილურობის დიალოგის რიგგარეშე შეხვედრაზე განიხილავს. სახელმწიფო მდივნის მოადგილემ ხაზი გაუსვა შეერთებული შტატების ერთგულებას სუვერენიტეტისა და ტერიტორიული მთლიანობის საერთაშორისო პრინციპების მიმართ და ასევე სუვერენული ქვეყნების თავისუფლების მიმართ, თავად აირჩიონ საკუთარი ალიანსები,“- აღნიშნულია ინფორმაციაში.

მათივე ცნობით, სახელმწიფო მდივნის მოადგილემ დაადასტურა, რომ შეერთებული შტატები მიესალმება დიპლომატიური გზით პროგრესის მიღწევას, მაგრამ ხაზი გაუსვა, რომ აშშ არ განიხილავს ევროპის უსაფრთხოებას ევროპელი მოკავშირეებისა და პარტნიორების გარეშე.

„აშშ განიხილავს გარკვეულ ორმხრივ საკითხებს რუსეთთან სტრატეგიული სტაბილურობის დიალოგის შეხვედრის დროს, მაგრამ არ განიხილავს ევროპის უსაფრთხოებას ჩვენი ევროპელი მოკავშირეებისა და პარტნიორების გარეშე“, – აღნიშნულია ინფორმაციაში.

შეგახსენებთ, რუსეთისა და შეერთებული შტატების დელეგაციები სტრატეგიული სტაბილურობის დიალოგის ფარგლებში მოლაპარაკებებს ჟენევაში დღეს გამართავენ. მოლაპარაკებებს უხელმძღვანელებენ რუსეთის საგარეო საქმეთა მინისტრი სერგეი რიაბკოვი და აშშ-ის სახელმწიფო მდივნის მოადგილე უენდი შერმანი.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა