„კოლექტიური უსაფრთხოების ხელშეკრულების ორგანიზაციის“ წევრი ქვეყნების ლიდერები დღეს საგანგებო შეხვედრას გამართავენ.
რუსული მედია კრემლის პრესსამსახურზე დაყრდნობით იუწყება, რომ შეხვედრაზე, რომელიც ვირტუალურ ფორმატში გაიმართება, ყაზახეთში არსებულ სიტუაციასა და მისი მოგვარების გზებზე იმსჯელებენ.
„შეხვედრაზე ყაზახეთის რესპუბლიკაში არსებული სიტუაცია და მისი ნორმალიზების საშუალებებს განიხილავენ,“- აცხადებენ კრემლის პრესსამსახურში.
მათი ცნობით, შეხვედრას რუსეთის პრეზიდენტი, ვლადიმერ პუტინიც დაესწრება.