ევროპის ქვეყნებში კოვიდ შეზღუდვები ათასობით ადამიანმა გააპროტესტა

კორონავირუსის გამო დაწესებული შეზღუდვები ბელგიაში, ჩეხეთში, გერმანიასა და ავსტრიაში გასული შაბათ-კვირის განმავლობაში ათასობით ადამიანმა გააპროტესტა, - ინფორმაციას „დოიჩე ველე“ ავრცელებს.

გამოცემის ცნობით, კვირას ბელგიის დედაქალაქ ბრიუსელში საპროტესტო აქციაზე დაახლოებით 5 000 ადამიანი შეიკრიბა. მომიტინგეებმა, რომლებსაც ხელში ეჭირათ ბანერები წარწერით: „ვაქცინაციის დიქტატურა“ - რესტორნებში, ბარებსა და სხვა ადგილებში კოვიდ საშვების წარდგენის წესი გააპროტესტეს.

მსვლელობის დაწყებამდე სამართალდამცავებმა პიროტექნიკის ტარებისთვის 11 ადამიანი დააკავეს, კიდევ 30 ადამიანი კი აქციის დროს მას შემდეგ დააკავეს, რაც მომიტინგეების ნაწილმა პოლიციას პიროტექნიკა ესროლა. ბელგიაში, 30 დეკემბრიდან 5 იანვრამდე პერიოდში, წინა კვირასთან შედარებით, ახალი შემთხვევების 96%-იანი ზრდა დაფიქსირდა და ჰოსპიტალიზაციის მაჩვენებელი 28%-ით გაიზარდა. პრაღაში, ათასობით ადამიანმა გააპროტესტა ხელისუფლების გეგმა, რომელიც გარკვეული ასაკობრივი ჯგუფისა და პროფესიის ადამიანებისთვის სავალდებულო ვაქცინაციის ითვალისწინებს. „თავისუფლება, თავისუფლება!“ -სკანდირებდნენ დემონსტრანტები, რომლებმაც ჩეხეთის დედაქალაქში საპროტესტო მსვლელობა მოაწყვეს. კორონავირუსის გამო დაწესებული შეზღუდვები გააპროტესტეს გერმანიის რამდენიმე ქალაქშიც, მათ შორის, ჰამბურგში, ფრანკფურტში, დიუსელდორფსა და კობლენცში. ჰამბურგში გამართულ დემონსტრაციაში მონაწილეობა 13 000-ზე მეტმა ადამიანმა მიიღო. შეკრებილმა მოქალაქეებმა საავადმყოფოებისა და მოხუცთა თავშესაფრების პერსონალისთვის სავალდებულო ვაქცინაციის წესი გააპროტესტეს. საპროტესტო აქციები გაიმართა ავსტრიაშიც. ქვეყნის დედაქალაქ ვენაში 40 000-მდე ადამიანმა გააპროტესტა მთავრობის გეგმა, რომლის თანახმადაც კორონავირუსის საწინააღმდეგო ვაქცინაცია 1-ელი თებერვლიდან სავალდებულო უნდა გახდეს.

ავსტრია, ისევე როგორც ევროპის ბევრი ქვეყანა, „ომიკრონ“ ვარიანტის გავრცელებით გამოწვეულ ინფიცირების შემთხვევების ზრდას ებრძვის. ქვეყანამ, ბოლო დროს დაწესებული „ლოქდაუნის“ საშუალებით ახალი შემთხვევების შემცირება მოახერხა, თუმცა მკაცრი შეზღუდვები მოხსნის შემდეგ დაინფიცირების ტემპი კვლავ გაიზარდა.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი