აშშ-ის სახელმწიფო მდივნის პირველმა მოადგილემ, აშშ-ს დელეგაციის ხელმძღვანელმა, უენდი შერმანმა, მის ორმხრივ მოლაპარაკებებს რუსეთის

საგარეო საქმეთა მინისტრის მოადგილე სერგეი რიაბკოვთან "სერიოზული" და "საქმიანი" უწოდა.

შერმანის თქმით, შეხვედრა ჩვეულებრივი საუბარი იყო, ვიდრე მოლაპარაკება და "აშშ რუსეთის მოთხოვნებს ფეხდაფეხ არ გაჰყოლია".

აშშ-ს სახელმწიფო მდივნის პირველმა მოადგილემ აღნიშნა, რომ შეერთებული შტატები შეხვედრაზე მივიდა რამდენიმე წინადადებით, მათ შორის ევროპაში სარაკეტო თავდაცვის განლაგების შესახებ და სამხედრო წვრთნების შეზღუდვების თემაზე. ვენდი შერმანის განცხადებით, აშშ-ს წინადადებები უნდა იყოს ორმხრივი. მისი თქმით, ამერიკულმა მხარემ უარყო რუსეთის მოწოდებები აღმოსავლეთ ევროპაში აშშ-ის ჯარების რაოდენობის შემცირების შესახებ და განაცხადა, რომ ეს საკითხი 10 იანვარს „არ იყო დღის წესრიგში“.

ამერიკელი დიპლომატის ინფორმაციით, ვაშინგტონმა რუსეთს სხვადასხვა საკითხის შესახებ დეტალების განსახილველად კვლავ შეხვედრა შესთავაზა.