სერგეი რიაბკოვი - გვსურს, მადრიდის სამიტზე ბუქარესტის ფორმულა გაუქმდეს და შეიცვალოს სიტყვებით: „უკრაინა და საქართველო არასოდეს გახდებიან ნატოს წევრები"

რუსეთის საგარეო საქმეთა მინისტრის მოადგილე სერგეი რიაბკოვის განცხადებით, საჭიროა სამართლებრივი გარანტიები იმისა, რომ უკრაინა და საქართველო ნატოში არასოდეს გაწევრიანდებიან. ამის შესახებ სერგეი რიაბკოვმა ჟენევაში რუსეთ - აშშ-ის მოლაპარაკებების დასრულების შემდეგ განაცხადა.

როგორც ის აღნიშნავს, რუსეთს სურს, რომ ნატოს მადრიდის სამიტზე ფორმულა შეიცვალოს სიტყვებით, რომ საქართველო და უკრაინა არასდროს გახდებიან ნატოს წევრები.

„ჩვენ ხაზს ვუსვამთ, რომ ჩვენთვის აბსოლუტურად იმპერატიულია, დავრწმუნდეთ, რომ უკრაინა არასოდეს გახდება ნატოს წევრი.

ჩვენ გვსურს, რომ ნატოს მადრიდის სამიტზე 2008 წლის ბუქარესტის სამიტზე მიღებული ფორმულა გაუქმდეს და შეიცვალოს შემდეგი სიტყვებით: „უკრაინა და საქართველო არასოდეს გახდებიან ჩრდილოატლანტიკური ალიანსის წევრები“, - განაცხადა რიაბკოვმა.

მან აღნიშნა, რომ მიუღებელია „ცარიელი საუბარი“ და „სანახევრო დაპირებები“.

„ჩვენ არ ვენდობით მეორე მხარეს. ჩვენ გვჭირდება მყარი, იურიდიულად მნიშვნელოვანი გარანტიები, არა დაპირებები, არამედ გარანტიები, ეს არის რუსეთის ეროვნული უსაფრთხოების საკითხი“, - დასძინა რიაბკოვმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა