რუსეთი წლების განმავლობაში ახდენდა ინტერვენციას, ოკუპაციას და აღვივებდა კონფლიქტებს საკუთარი მეზობლებისა და სხვების წინააღმდეგ. სია გრძელია – ყველა მათგანის ჩამოსათვლელად, სავარაუდოდ, დრო არ მეყოფა - უკრაინა, საქართველო, მოლდოვა, ეს მხოლოდ რამდენიმეა მათ შორის, – ამის შესახებ აშშ-ის სახელმწიფო დეპარტამენტის პრესსპიკერმა, ნედ პრაისმა განაცხადა.

მისი თქმით, აშშ სკეპტიკურად არის განწყობილი რუსეთის განცხადებების მიმართ, რომ უკრაინის საზღვრებთან ძალების მობილიზება წვრთნების მიზნით ხორციელდება.

„უკრაინის სუვერენულ ტერიტორიაზე რუსული ძალები და რუსეთის მიერ მხარდაჭერილი ძალები იმყოფებიან. რუსეთმა უკრაინის საზღვრებზე ათიათასობით, თითქმის ასი ათასი სამხედროს მობილიზება განახორციელა და მათ ეს შედარებით მოკლე დროში გააკეთეს. სწორედ რუსეთმა მოახდინა 2014 წელს ყირიმის ანექსია, გააჩაღა ომი აღმოსავლეთ უკრაინაში და აგრძელებს იქ კონფლიქტის გაღვივებას. რუსეთი წლების განმავლობაში ახდენდა ინტერვენციას, ოკუპაციას და აღვივებდა კონფლიქტებს საკუთარი მეზობლებისა და სხვების წინააღმდეგ. სია გრძელია – ყველა მათგანის ჩამოსათვლელად, სავარაუდოდ, დრო არ მეყოფა - უკრაინა, საქართველო, მოლდოვა, ეს მხოლოდ რამდენიმეა მათ შორის. სწორედ რუსეთი ერეოდა წლების განმავლობაში დემოკრატიულ არჩევნებში, მათ შორის ჩვენს არჩევნებში. ისინი იყენებდნენ ქიმიურ იარაღს, ორგანიზებას უწევდნენ კიბერთავდასხმებს, იყენებდნენ ენერგორესურსებს როგორც იარაღს. ამიტომ, გვაპატიეთ და გაიგეთ ჩვენი სკეპტიციზმი, როდესაც ჩვენ გვესმის რუსეთისგან, რომ ეს მხოლოდ წვრთნებია და არ უნდა შევშფოთდეთ,” - განაცხადა ნედ პრაისმა.