ჩინეთის ქალაქ ანიანგში, სადაც დაახლოებით 5 მილიონი ადამიანი ცხოვრობს, კორონავირუსის „ომიკრონ“ ვარიანტის გავრცელების პრევენციის მიზნით, მოსახლეობას დღეიდან სახლიდან გასვლა ეკრძალება, - ინფორმაციას სააგენტო „ფრანს-პრესი“ ავრცელებს.

სააგენტოს ცნობით, ჰენანის პროვინციის ქალაქში „ომიკრონ“ ვარიანტით დაინფიცირების ორი შემთხვევა დადასტურდა, რის გამოც, ხელისუფლებამ მოსახლეობის სახლებში გამოკეტვის გადაწყვეტილება მიიღო. ქალაქში დაიხურა ყველა არააუცილებელი ბიზნეს ობიექტი, შეიზღუდა ქალაქგარეთ მგზავრობა და დაიწყო მასობრივი ტესტირების პროცესი.

ანიანგში, გასული დღის განმავლობაში, კორონავირუსის 58 ახალი შემთხვევა გამოვლინდა და შაბათიდან დღემდე დაინფიცირებული ადამიანების რაოდენობა 84-მდე გაიზარდა.