უმთავრესია საპროტესტო ელექტორატი და ის, რომ ოპოზიცია ხელისუფლების შეცვლაზე კონცენტრირდეს, რადგან „ქართული ოცნების“ მხრიდან პოლიტპატიმრებზე დაპირება არ სრულდება, - ამის შესახებ „ევროპული საქართველოს“ წევრმა ლაშა დამენიამ განაცხადა.
როგორც დამენიამ აღნიშნა, „ქართული ოცნება“ ჩამოყალიბდა ძალად, რომელიც პოლიტიკური ოპონენტების დაჭერით და შემდეგ მათი გათავისუფლებით ვაჭრობითაა დაკავებული.
„დღეს, ქვეყანას „ქართული ოცნების“ სახით სამწუხაროდ, მართავს რეჟიმი, სადაც არ არსებობს არც სამართლიანობა და არც საერთოდ სამართალდამცავი ორგანოები, ამიტომ უმთავრესია საპროტესტო ელექტორატი და ის, რომ ოპოზიცია კონცენტრირდეს ხელისუფლების შეცვლაზე იმიტომ, რომ „ქართული ოცნების“ მხრიდან პოლიტპატიმრებზე დაპირება არ სრულდება. იგი ჩამოყალიბდა ძალად, რომელიც მხოლოდ და მხოლოდ დაკავებულია პოლიტიკური ოპონენტების დაკავებით და შემდეგ მათი გათავისუფლებით ვაჭრობით“, - განაცხადა ლაშა დამენიამ.