უკრაინის პრეზიდენტის, ვლადიმერ ზელენსკის განცხადებით, კიევი მზადაა „ნორმანდიის ოთხეულის“ მომავალ სამიტზე დონბასის რეგიონში კონფლიქტის დასრულებასთან დაკავშირებით საჭირო გადაწყვეტილებები მიიღოს.
„კონფლიქტის დასრულებაზე არსებითი მოლაპარაკების დროა და ჩვენ მზად ვართ საჭირო გადაწყვეტილებებისთვის ოთხი ქვეყნის ლიდერების ახალი სამიტის დროს“, - განაცხადა მან კიევში, გერმანიის კანცლერისა და საფრანგეთის პრეზიდენტის მრჩევლებთან შეხვედრაზე.
უკრაინის პრეზიდენტის ადმინისტრაციის ინფორმაციით, შეხვედრის მონაწილეებმა „ნორმანდიის ფორმატში“ ერთობლივი მუშაობის გაძლიერებაზე, რუსეთ-უკრაინის კონფლიქტის მშვიდობიანი მოგვარებისთვის საჭირო ნაბიჯებსა და უკრაინის საზღვრებზე სიტუაციის დეესკალაციის შესახებ იმსჯელეს.