ლატვიაში რუსეთის სასარგებლოდ ჯაშუშობაში ეჭვმიტანილი ორი პირი დააკავეს

ლატვიის სახელმწიფო უსაფრთხოების სამსახურმა და სამხედრო დაზვერვისა და უსაფრთხოების სამსახურმა რუსეთის სასარგებლოდ ჯაშუშობაში ეჭვმიტანილი ორი პირი დააკავა.

ადგილობრივი მედიის ინფორმაციით, დაკავებულები რუსეთის სამხედრო დაზვერვის სამსახურთან თანამშრომლობასა და თავდაცვის სექტორთან დაკავშირებული ინფორმაციის მიწოდებაში არიან ეჭვმიტანილები.

„სახელმწიფო უსაფრთხოების სამსახურისა და სამხედრო დაზვერვისა და უსაფრთხოების სამსახურის მიერ განხორციელებული კონტრდაზვერვის ოპერაციის შედეგად მოხდა ლატვიის სახელმწიფოს წინააღმდეგ მიმართულ აქტივობებში აღნიშნული პირების მუდმივი ჩართულობის წარმატებული პრევენცია", - აცხადებენ ლატვიის სახელმწიფო უსაფრთხოების სამსახურში.

მათივე ცნობით, ეჭვმიტანილები რუსეთის სამხედრო დაზვერვის წარმომადგენლებს რუსეთში შეხვდნენ.

ლატვიის პროკურატურის ვერსიით, ერთ-ერთმა ეჭვმიტანილმა სამსახურეობრივი კონტაქტები გამოიყენა იმისთვის, რომ მიეღო, გაეანალიზებინა და რუსეთის დაზვერვისთვის გადაეცა ლატვიის შეიარაღებულ ძალებთან დაკავშირებული ინფორმაცია. მეორე დაკავებული კი მოსკოვთან მრავალწლიან თანამშრომლობაშია ეჭვმიტანილი. მათი ვინაობა, ასევე თანამდებობები და სხვა დეტალები გამოძიების ინტერესებიდან გამომდინარე არ საჯაროვდება. უცნობია მათი დაკავების ზუსტი დროც.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!