ჯანდაცვის მსოფლიო ორგანიზაციაში აცხადებენ, რომ კორონავირუსის ენდემურ დაავადებად ჩათვლა, ჯერჯერობით ნაადრევია ვინაიდან, „ომიკრონ“ ვარიანტის გავრცელება ჯერ არ დასტაბილურებულა.
„ჩვენ ჯერ კიდევ გვაქვს უზარმაზარი გაურკვევლობა და ვირუსი, რომელიც საკმაოდ სწრაფად ვითარდება და ახალ გამოწვევებს აწესებს. ნამდვილად არ ვართ ახლოს იმასთან, რომ მას ენდემური ვუწოდოთ“, - განაცხადა ჯანდაცვის მსოფლიო ორგანიზაციის ევროპის რეგიონალური ოფისის წარმომადგენელმა კეტრინ სმოლვუდმა.
ცნობისათვის, ესპანეთის პრემიერ-მინისტრმა პედრო სანჩესმა გუშინ განაცხადა, რომ. შესაძლოა, დროა, კოვიდ 19-ის მიმართ იმ მეთოდის გამოყენება დაიწყოს, რაც ჩვეულებრივი გრიპის შემთხვევაში გამოიყენება, ვინაიდან, მისი ლეტალობა შემცირდა და ვირუსს არა პანდემიის, არამედ ენდემური დაავადების მსგავსად მოექცნენ, მათ შორის არ აღრიცხონ ყველა შემთხვევა და არ გატესტონ ყველა ადამიანი, რომელსაც სიმპტომი აქვს.