როდესაც დაძაბულობა მაღალია, კიდევ უფრო მნიშვნელოვანია, რომ დავსხდეთ საერთო მაგიდასთან და ჩვენი პრობლემები განვიხილოთ, - ამის შესახებ ნატო-ს გენერალური მდივანი იენს სტოლტენბერგი სოციალურ ქსელ „ტვიტერში“ წერს.
„ნატო-რუსეთის საბჭოს დღევანდელი შეხვედრა მიმდინარეობს. ეს ევროპული უსაფრთხოებისთვის კრიტიკულ დროს დიალოგის დროული შესაძლებლობაა. როდესაც დაძაბულობა მაღალია, კიდევ უფრო მნიშვნელოვანია, რომ დავსხდეთ საერთო მაგიდასთან და ჩვენი პრობლემები განვიხილოთ“, – წერს სტოლტენბერგი.
შეგახსენებთ, ბრიუსელში, ჩრდილოატლანტიკური ალიანსის შტაბ-ბინაში ნატო-რუსეთის საბჭოს სხდომა მიმდინარეობს. ნატო-ს გენერალური მდივანი იენს სტოლტენბერგი შეხვედრის შემდეგ პრესკონფერენციას გამართავს.