ილჰამ ალიევი - აზერბაიჯანი გაანადგურებს ყველაფერს, რაც საფრთხეს შეუქმნის მის უსაფრთხოებას

აზერბაიჯანი ყურადღებით აკვირდება სომხეთის სამხედრო აღმშენებლობის მცდელობას და გაანადგურებს ყველაფერს, რაც საფრთხეს შეუქმნის აზერბაიჯანის უსაფრთხოებას. ამის შესახებ აზერბაიჯანის პრეზიდენტმა ილჰამ ალიევმა ადგილობრივ მედიას განუცხადა.

„ჩვენ ძალიან ყურადღებით ვაკვირდებით სომხეთში სამხედრო აღმშენებლობის ყველა მცდელობას, როგორც თავისი ძალებით, ისე პარტნიორების დახმარებით. ამიტომ ღიად ვამბობდი, რომ ჩვენ, თუკი მცირეოდენ საფრთხესაც კი დავინახავთ ჩვენი უსაფრთხოებისთვის, ეს საფრთხე დაუყოვნებლივ განადგურდება. ეს ყველამ უნდა იცოდეს და პირველ რიგში, სომხეთის ხელმძღვანელობამ“ , - განაცხადა ალიევმა.

მისი თქმით, ბაქო გააგრძელებს თანამედროვე შეიარაღების შეძენას და თავისი არმიის უსაფრთხოების ზრდას.

„სპეციალური დანიშნულების ძალებმა საკუთარი თავი გამოავლინეს ყველაზე საუკეთესო კუთხით ყარაბაღის მეორე ომის დროს. ამიტომ, ამ ძალების სრულყოფა, ასევე სპეცდანიშნულების ახალი ძალების შექმნა - ეს არის აუცილებლობა, რომელიც ვითარებით არის ნაკარნახევი. საუბარია სომხეთის მხრიდან რევანშზე, საუბარია იმაზე, რომ არ ვიცით რა იქნება ერთი, ორი, ხუთი წლის შემდეგ“, - განაცხადა ალიევმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა