ალექსანდრ გრუშკო - ნატო-ს პრაქტიკულად მთელი ისტორია ომების ისტორიაა, რუსეთმა ომები შეაჩერა - ალიანსმა უნდა მიიღოს რუსეთის სამშვიდობო როლი

თუ ნატო-ს ქვეყნებს სურთ რუსეთთან თანამშრომლობა, მაშინ ალიანსმა უნდა მიიღოს რუსეთის სამშვიდობო როლი, - ამის შესახებ რუსეთის საგარეო საქმეთა მინისტრის მოადგილემ ალექსანდრ გრუშკომ რუსეთ-ნატოს საბჭოს შეხვედრის შემდეგ განაცხადა.

მისი თქმით, "ნატო-ს პრაქტიკულად მთელი ისტორია, მიუხედავად მისი „თავდაცვითი“ ხასიათის შესახებ განცხადებებისა, არის ომების ისტორია, ინტერვენციები, რომლებმაც დატოვეს კვალი განადგურებული სახელმწიფოებისა და მილიონობით ლტოლვილის სახით".

მან დასძინა, რომ "რუსეთმა შეაჩერა ომები - მთიანი ყარაბაღი, აფხაზეთი, სამხრეთ ოსეთი, დნესტრისპირეთი".

„თუ ნატო-ს ქვეყნებს ნამდვილად სურთ ჩვენთან თანამშრომლობა, მათ უნდა მიიღონ რუსეთის ფედერაციის ეს მნიშვნელოვანი როლი, როგორც ქვეყანა, რომელიც უზრუნველყოფს მშვიდობას უზარმაზარ ევროატლანტიკურ სივრცეში და რომელსაც კრიტიკული წვლილი შეაქვს მშვიდობისა და სტაბილურობის შენარჩუნებაში“, - განაცხადა გრუშკომ პრესკონფერენციაზე.

შეგახსენებთ, რუსეთ-ნატოს საბჭოს სხდომა ბრიუსელში კონსულტაციების მეორე ეტაპია რუსეთსა და დასავლეთის ქვეყნებს შორის. პირველი ეტაპი - მოლაპარაკებები რუსეთსა და შეერთებულ შტატებს შორის, ჟენევაში 10 იანვარს გაიმართა, მესამე ეტაპი ეუთო-ს ფარგლებში ვენაში 13 იანვარს შედგება.

ბრიუსელში რუსეთის დელეგაციას რუსეთის საგარეო საქმეთა მინისტრის მოადგილე ალექსანდრე გრუშკო და რუსეთის თავდაცვის მინისტრის მოადგილე ალექსანდრ ფომინი ხელმძღვანელობდნენ. ნატო-ს მხრიდან მოლაპარაკებებს ესწრებოდნენ აშშ-ს სახელმწიფო მდივნის პირველი მოადგილე ვენდი შერმანი, ალიანსის გენერალური მდივანი იენს სტოლტენბერგი და ალიანსის 30 სახელმწიფოს მუდმივი წარმომადგენელი ბრიუსელში.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა