აშშ-ის ხელისუფლებამ ჩრდილოეთ კორეას მორიგი სანქციები დაუწესა. ქვეყნის ფინანსთა სამინისტროს ინფორმაციით, სანქციების დაწესების მიზეზი ჩრდილოეთ კორეის მხრიდან რაკეტებისა და ახალი ტიპის იარაღის გამოცდა გახდა.

Reuters-ის ინფორმაციით, სანქციები 6 ჩრდილოკორეელ და ერთ რუს მაღალჩინოსანს, ასევე რუსულ ფირმას დაუწესდათ, რომლებიც ჩრდილოეთ კორეისთვის ბირთვული იარაღის მიწოდებაში არიან ჩართულები. ამასთან, აშშ-მა გაეროს უსაფრთხოების საბჭოს მოუწოდა სანქციები კიდევ 5 ჩრდილოკორეელ მაღალჩინოსანს დაუწესოს.

სექტემბრიდან დღემდე ჩრდილოეთ კორეამ 6 ბალისტიკური რაკეტა გაუშვა, რაც გაეროს უსაფრთხოების საბჭოს რეზოლუციების დარღვევაა.