მოსკოვში, 14 იანვარს, სომხეთის და თურქეთის სპეციალური წარმომადგენლების პირველი შეხვედრა გაიმართება. ამასთან დაკავშირებით, თურქეთის პრეზიდენტი რეჯეფ თაიფ ერდოღანი სომხეთს აფრთხილებს, რომ ერევანმა მნიშვნელოვანია, სწორად შეაფასოს შანსი ურთიერთობების დასამყარებლად.
„აზერბაიჯანის მიერ სომხეთისგან ოკუპირებული ტერიტორიების გათავისუფლების შემდეგ, ანკარამ დაიწყო პროცესი ერევანთან ურთიერთობების ნორმალიზებისთვის. იმისთვის, რომ გადადგმული ნაბიჯები შედეგიანი აღმოჩნდეს, საჭიროა, სომხეთმა სწორად შეაფასოს რეგიონში ხანგრძლივი მშვიდობის შანსები“, - განაცხადა ერდოღანმა ანკარაში ევროკავშირის ელჩებთან შეხვედრისას.
გასული წლის დეკემბერში, თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ სომხეთთან ურთიერთობის ნორმალიზებისთვის ორივე მხრიდან დაინიშნებოდნენ სპეციალური წარმომადგენლები. მანვე განაცხადა, რომ დაიწყებოდა ერევანთან ჩარტერული ავიამიმოსვლა.
თურქეთსა და სომხეთს შორის დიპლომატიური ურთიერთობა არ არსებობს და 1993 წლიდან ანკარას ინიციატივით ორივე ქვეყანას საზღვარი დაკეტილი აქვთ.