აშშ-ის სენატმა "ჩრდილოეთის ნაკადი 2-ის“ წინააღმდეგ კანონპროექტი არ დაამტკიცა

აშშ-ის სენატმა რესპუბლიკელი ტედ კრუზის მიერ შეთავაზებული კანონპროექტი „ჩრდილოეთი ნაკადი 2-ის“ წინააღმდეგ სანქციების დაწესების შესახებ არ დაამტკიცა. ინფორმაციას რუსული მედია ავრცელებს.

კენჭისყრა აშშ-ის საკანონმდებლო ორგანოს ზედა პალატის ვებგვერდზე გადაიცემოდა. სენატორის ინიციატივამ დასამტკიცებლად საჭირო 60 ხმა ვერ მოიპოვა.

მანამდე გაზეთი Politico წერდა, რომ სენატი დიდი ალბათობით ინიციატივას არ დაამტკიცებდა. გამოცემის ცნობით, დემოკრატებმა, რომლებიც გაზსადენზე ახალი შეზღუდვების მხარდასაჭერად გამოდიოდნენ, პოზიციები შეიცვალეს.

კერძოდ, ორშაბათს აშშ-ის სახელმწიფო მდივნის მოადგილე პოლიტიკურ საკითხებში ვიქტორია ნულანდი და აშშ-ს სახელმწიფო დეპარტამენტის ენერგეტიკული უსაფრთხოების უფროსი მრჩეველი შეხვდნენ დემოკრატ სენატორებს, რათა დაერწმუნებინათ ისინი, რომ ამ დოკუმენტისთვის მხარი არ დაეჭირათ.

ოთხშაბათს, დემოკრატთა ჯგუფმა აშშ-ს სენატის საგარეო საქმეთა კომიტეტის თავმჯდომარე, რობერტ მენენდესის ხელმძღვანელობით სენატს წარუდგინა კანონპროექტი უკრაინის ირგვლივ დაძაბულობის ესკალაციის შემთხვევაში რუსეთზე შეზღუდვების შესახებ, სახელწოდებით „2022 წლის უკრაინის სუვერენიტეტის დაცვის აქტი“.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 11.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო