რუსეთს, აშშ-სა და ნატო-ს შორის დიალოგით უნდა გამოიძებნოს დაძაბულობის შემცირების გზა, - მედიის ინფორმაციით, ამის შესახებ გაერო-ს გენერალურმა მდივანმა ანტონიო გუტერეშმა განაცხადა.

„ცხადია, ვფიქრობ, რომ ყველა შეშფოთებულია დაძაბულობის ესკალაციით და აბსოლუტურად აუცილებელია, რომ დიალოგმა [რუსეთსა და აშშ-სა და ნატოს შორის ], რომელიც მიმდინარეობს, გამოძებნოს დაძაბულობის განმუხტვის გზა,“ - აღნიშნა გუტერეშმა.

მისი თქმით, ეს საჭიროა „რათა თავიდან ავიცილოთ ნებისმიერი სახის დაპირისპირება, რომელიც კატასტროფა იქნება ევროპისა და მსოფლიოსთვის“.