თამარ გაბუნიას განცხადებით, მოქალაქეთა სავალდებულო ვაქცინაციის საკითხი არც სპეციალისტებს დაუყენებიათ და არც ჯანდაცვის სამინისტროს პოზიცია არის ამგვარი

ჯანდაცვის მინისტრის მოადგილის თამარ გაბუნიას განცხადებით, მოქალაქეთა სავალდებულო ვაქცინაციის საკითხი არც სპეციალისტებს დაუყენებიათ და არც ჯანდაცვის სამინისტროს პოზიცია არის ამგვარი.

მისი თქმით, სიტუაცია საკმაოდ რთულია და ამ პირობებში, ვაქცინაცია არის ხსნა, ამასთან, ვაქცინაციის პროგრამა წამახალისებელი მექანიზმებით კვლავაც გაგრძელდება.

„ეს იქნება წახალისება 50 წლის ზემოთ პირებისთვის და ასევე, ვაქცინაციის გეგმა, რომელიც ახლა მუშავდება, ვაქცინაციის საბჭოზე მომდევნო კვირას იქნება წარდგენილი. სავალდებულო ვაქცინაცია, როგორც ასეთი მექანიზმი იმისათვის, რომ გარკვეული ვალდებულება დავაწესოთ მოსახლეობისთვის ვაქცინაციასთან მიმართებაში ასეთი საკითხი არც სპეციალისტებს დაუყენებიათ და არც ჯანდაცვის სამინისტროს პოზიცია არ არის ამგვარი. ვფიქრობთ, ის რესურსები, რომელიც დღეს ჩვენს ხელთ არსებობს, მათ შორის, ფინანსური წახალისების სახით რამაც საკმაო თვალსაჩინო შედეგი მოგვცა, იქნება ისევ ის ბერკეტი, რომელსაც გამოვიყენებთ. საჭირო იქნება ამის მეტად გაფართოება, მაგრამ ისევ თვითონ მოქალაქის გადაწყვეტილებით უნდა მოხდეს ვაქცინაციის პროგრამაში ჩართვა", - აცხადებს გაბუნია.

ამასთან, თამარ გაბუნიას განცხადებით, ექსპერტებთან დღევანდელ შეხვედრაზე რეგულაციების გამკაცრებაზე საუბარი არ ჰქონია, თუმცა, ისაუბრეს აღსრულების მნიშვნელობაზე, მათ შორის სამთო კურორტებზე.

„ეს რეგულაციები უკვე დაწესებულია, განსაკუთრებით პირბადის გამოყენებაზე და მნიშვნელოვანია ყველამ, ვისაც პასუხისმგებლობა ეკისრება ამ მიმართულებით, თავის წილი პასუხისმგებლობა გაიზიაროს და ამ მხრივ გაუმჯობესდეს ეს პროცესი, სპეციალისტები ბუნებრივია, ამაზე აქცენტს აკეთებენ,“- განაცხადა გაბუნიამ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა