ბრიტანეთის თავდაცვის მინისტრი - უკრაინას ტანკსაწინააღმდეგო იარაღს ვაწვდით

გაერთიანებულმა სამეფომ უკრაინისთვის მცირე რადიუსის ტანკსაწინააღმდეგო რაკეტების მიწოდება დაიწყო, - მედიის ინფორმაციით, ამის შესახებ ბრიტანეთის თავდაცვის მინისტრმა ბენ უოლესმა განაცხადა.

მისი თქმით, უკრაინაში ასევე გააგზავნიან ბრიტანელი ჯარისკაცების ჯგუფს, რომელიც ქვეყანაში ტრენინგს ჩაატარებს.

ბენ უოლესმა ხაზი გაუსვა, რომ არსებობს "ლეგიტიმური და რეალური შეშფოთების მიზეზი", რომ რუსული ჯარები უკრაინაში შეჭრისთვის გამოიყენონ.

უკრაინაში 2015 წლიდან ათობით ბრიტანელი ჯარისკაცი იმყოფება, იმისთვის, რომ დახმარება გაუწიონ ქვეყანას შეიარაღებული ძალების მომზადებაში და გაერთიანებულმა სამეფომ ასევე აიღო ვალდებულება მონაწილეობა მიიღოს უკრაინის საზღვაო ფლოტის აღდგენაში 2014 წელს ყირიმში რუსეთის შეჭრის შემდეგ. მაგრამ ბენ უოლასმა განაცხადა, რომ გაერთიანებული სამეფო დამატებით დახმარებას გაუწევს უკრაინას რუსეთის მხრიდან მზარდი მუქარის შემცველი ქმედების ფონზე.

მისი განმარტებით, მსუბუქი ჯავშანტექნიკის საწინააღმდეგო იარაღის პირველი პარტია ორშაბათს გაიგზავნა.

„უკრაინას აქვს სრული უფლება, დაიცვას თავისი საზღვრები და დახმარების ეს ახალი პაკეტი კიდევ უფრო აძლიერებს მის შესაძლებლობას, ეს განახორციელოს. ნება მომეცით, მკაფიოდ განვაცხადო: ეს არ არის სტრატეგიული იარაღი და არ წარმოადგენს საფრთხეს რუსეთისთვის, ისინი გამოიყენება თავდაცვისთვის,“- აღნიშნა გაერთიანებული სამეფოს თავდაცვის მინისტრმა.

მისი თქმით, არსებობს „საერთაშორისო სანქციების პაკეტი, რომელიც მზად არის ასამოქმედებლად“, თუ რუსეთი უკრაინაში „დესტაბილიზაციას“ განახორციელებს. უოლესმა ხაზი გაუსვა, რომ ნებისმიერი შეჭრა განიხილება, როგორც "ოკუპაცია", რომელმაც "შეიძლება გამოიწვიოს ადამიანის სიცოცხლის დიდი დანაკარგი ყველა მხრიდან".

გაერთიანებული სამეფოს თავდაცვის მინისტრმა იმედი გამოთქვა, რომ დიპლომატია გაიმარჯვებს.

„არჩევანი პრეზიდენტ პუტინზეა : დიპლომატიასა და დიალოგს აირჩევს, თუ კონფლიქტსა და მის შედეგებს“,“- აღნიშნა უოლესმა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა