მსოფლიოში, გასული კვირის განმავლობაში კორონავირუსით ინფიცირების 18 739 636 ახალი შემთხვევა დაფიქსირდა, რაც წინა კვირასთან შედარებით 20%-ით მეტია,- ამის შესახებ ჯანდაცვის მსოფლიო ორგანიზაციის ყოველკვირეულ ანგარიშშია აღნიშნული.

ამასთან, აღნიშნულ პერიოდში, მსოფლიოში კორონავირუსს 45 543 ადამიანი ემსხვერპლა.

ჯანმო-ს მონაცემებით, ინფიცირების ახალი შემთხვევებიდან 44% ევროპის 38 % კი - ამერიკის რეგიონში გამოვლინდა.

დაინფიცირების ყველაზე მეტი, 4 688 466 ახალი შემთხვევა აშშ-ში დაფიქსირდა, შემდეგ მოდის საფრანგეთი, 2 012 943 შემთხვევით, მესამე ადგილზეა ინდოეთი, სადაც დაინფიცირების 1 594 160 ახალი შემთხვევა გამოვლინდა. მათ მოჰყვებიან იტალია და გაერთიანებული სამეფო.