მივესალმებით ნებისმიერი ქვეყნის ძალისხმევას, რომელსაც შეუძლია უკრაინაში სიტუაციის მოგვარებაში დახმარების გაწევა, - ამის შესახებ კრემლის პრესსპიკერმა დიმიტრი პესკოვმა განაცხადა, რითაც ის გამოეხმაურა თურქეთის პრეზიდენტის პრესსპიკერის განცხადებას.
„მთავარი უთანხმოება რუსეთსა და უკრაინას შორის დაკავშირებულია სწორედ კიევის მიერ მინსკის შეთანხმებების შესრულების შეფერხებასთან. თუ ჩვენს თურქ პარტნიორებს შეუძლიათ გავლენა მოახდინონ უკრაინელებზე და უბიძგონ მათ, შეასრულონ ადრე მიღებული შეთანხმებები, ეს მხოლოდ მისასალმებელია“, - განუცხადა პესკოვმა ჟურნალისტებს.
შეგახსენებთ, თურქეთის პრეზიდენტის, რეჯეფ თაიფ ერდოღანის პრესსპიკერმა იბრაჰიმ კალინმა განაცხადა, რომ თურქეთი მზადაა, წვლილი შეიტანოს რუსეთსა და უკრაინას შორის დაძაბულობის შესამცირებლად და რომ პრეზიდენტმა რეჯეფ თაიფ ერდოღანმა რუსი და უკრაინელი კოლეგები, ვლადიმერ პუტინი და ვლადიმერ ზელენსკი მოლაპარაკებებისთვის თურქეთში მიიწვია.