რუსეთსა და დასავლეთის ქვეყნებს შორის სერიოზული დიალოგი მიმდინარეობს და თურქეთი მზადაა, ხელი შეუწყოს რუსეთსა და უკრაინას შორის უთანხმოების აღმოფხვრას, - თურქული მედიის ინფორმაციით, ამის შესახებ პრეზიდენტ რეჯეფ თაიფ ერდოღანის პრესსპიკერმა იბრაჰიმ კალინმა განაცხადა.
მისი თქმით, თურქეთს არ სურს რუსეთსა და უკრაინას შორის რაიმე სახის სამხედრო დაპირისპირება ან ომი იხილოს და მზადაა, ნებისმიერი როლის შესასრულებლად რუსეთსა და უკრაინას შორის დაძაბულობის შესამცირებლად.
იბრაჰიმ კალინის თქმით, თურქეთის პრეზიდენტმა, რეჯეფ თაიფ ერდოღანმა უკრაინისა და რუსეთის პრეზიდენტები მოლაპარაკებებისთვის თურქეთში მიიწვია. „მან ორივე მოიწვია თურქეთში, თუ სურთ აქ შეხვედრა და მათ შორის არსებული საკითხებისა და უთანხმოების მოგვარება,” - განაცხადა იბრაჰიმ კალინმა.