ექიმი თენგიზ წულაძე - გვითხრეს, რომ მაგნიტურ-რეზონანსული ტომოგრაფია თვის ბოლომდე ჩატარდება - სავარაუდოდ, მიხეილ სააკაშვილის ტრანსპორტირებას მოახდენენ რომელიმე კლინიკაში

ვიზიტებს შორის, სააკაშვილის ჯანმრთელობის მდგომარეობის გაუარესება არ მოგვეჩვენა - მაგნიტურ-რეზონანსულ ტომოგრაფიაზე გვითხრეს, რომ თვის ბოლომდე ჩატარდება ეს კვლევაც , - ამის შესახებ სახალხო დამცველის მიერ შექმნილი ექიმთა კონსილიუმის წევრმა, ექიმმა-ნევროლოგმა, თენგიზ წულაძემ “პალიტრანიუსის” გადაცემაში “360 გრადუსი” განაცხადა.

ამასთან, მისი თქმით, საქართველოს ყოფილი პრეზიდენტი თავს ისევ სუსტად გრძნობს და დარღვეული აქვს წონასწორობის ბალანსი.

როგორც წულაძემ აღნიშნა, ასევე გაუმჯობესება არ შეინიშნება მიხეილ სააკაშვილის ფსიქოლოგიური მდგომარეობის კუთხითაც.

“გაუარესება არ მოგვეჩვენა ნამდვილად. გაუმჯობესება არის ის, რომ ძალა ცოტა მომატებულია, მაგრამ ნევროლოგიური პარამეტრები, რაც იზომება და დასკვნაში ჩავსვით, ის იგივეა. მგრძნობელობის მოშლა როგორც იყო, ისევ ისეა დარჩენილი, წონასწორობის კარგვა და საერთო სისუსტე, რომელიც ასევე დარჩა. ამასთან, არ გაუმჯობესებულა მისი ფსიქოლოგიური მდგომარეობაც.

მაგნიტურ-რეზონანსული ტომოგრაფია მაინც ვთვლით, რომ საჭიროა და ჩავსვით ჩვენს რეკომენდაციებში, თუმცა, ეს ისედაც დაგეგმილი იყო ჩვენამდე, დაგეგმილი ჰქონდა რუსთავის პენიტენციურ დაწესებულებას. გვითხრეს, რომ თვის ბოლომდე ჩატარდება ეს კვლევაც. როგორ ჩატარდება, ვერ გეტყვით, სავარაუდოდ, პაციენტის ტრანსპორტირებას მოახდენენ რომელიმე კლინიკაში, რომელიც მათი მიმწოდებელია და გაკეთდება მაგნიტურ-რეზონანსული კვლევა”, - განაცხადა თენგიზ წულაძემ.

მისივე შეფასებით, რაიმე საშიში დაავადების გამოვლენა მაგნიტურ-რეზონანსული კვლევით, დიდი ალბათობით, მოსალოდნელი არ არის.

“დაგვიანებული არ არის. 100%-ით ვერასდროს იტყვი. კომპიუტერი ტომოგრამა ძირითადად საშიშ დაავადებებს გამორიცხავს. დანარჩენი მკურნალობა ისედაც მიდიოდა და არ მგონია დაავადების მართვაზე ამ კვლევამ გადამწყვეტი მნიშვნელობა იქონიოს, ნაკლებად მოსალოდნელია”, - აღნიშნა ექიმმა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა