რუსეთის სამხედრო-საზღვაო ძალები იანვარ-თებერვალში მასშტაბურ წვრთნებს გამართავს, - ამის შესახებ რუსეთის თავდაცვის სამინისტრომ განაცხადა.

მათივე ცნობით, წვრთნები რუსეთის სამხედრო-საზღვაო ფლოტის პასუხისმგებლობის ყველა ზონაში ჩატარდება.

„წვრთნები ჩატარდება ხმელთაშუა, ჩრდილოეთ და ოხოტის ზღვებში და წყნარ და ატლანტის ოკეანეებში,”- აცხადებენ თავდაცვის სამინისტროში.

მათივე ცნობით, სწავლებებში მონაწილეობას მიიღებს 140 სამხედრო გემი, 60-ზე მეტი თვითმფრინავი, 1 000 ერთეული სამხედრო ტექნიკა და 10 000 სამხედრო მოსამსახურე.

ამასთან, გავრცელებული ინფორმაციით, რუსეთი ჩინეთი და ირანი დღეს ერთობლივ საზღვაო წვრთნებს ჩაატარებენ.