ენტონი ბლინკენი სერგეი ლავროვთან შეხვედრაზე - მე არ ველოდები რაიმე მნიშვნელოვან გარღვევას

აშშ-ის სახელმწიფო მდივანი ენტონი ბლინკენი აცხადებს, რომ რუსეთის საგარეო საქმეთა მინისტრ, სერგეი ლავროვთან დღეს დაგეგმილი შეხვედრისგან მნიშვნელოვან გარღვევებს არ ელოდება.

„მე არ ველოდები რაიმე გარღვევას,“- აღნიშნა სახელმწიფო მდივანმა გერმანულ მედიასთან საუბარში.

მისი თქმით, რუსეთთან, სხვადასხვა ფორმატში, მნიშვნელოვანი შეხვედრები გაიმართა, რის შემდეგაც მხარეებს ჰქონდათ დრო ეფიქრათ იმაზე, რაც ამ შეხვედრების დროს მოისმინეს, ამიტომ, სერგეი ლავროვთან შეხვედრა მნიშვნელოვანია იმის გასარკვევად, თუ რა დასკვნები გამოიტანა რუსეთმა დიპლომატიური საუბრებიდან და შესაძლებელია თუ არა დიპლომატიური გზის გაგრძელება არსებული კრიზისის მოსაგვარებლად.

„გვქონდა შესაძლებლობა გვეფიქრა იმაზე, რაც თითოეულმა მოვისმინეთ. ვფიქრობ, რუსეთის გუნდს ჰქონდა შანსი გაემართა კონსულტაცია პრეზიდენტ პუტინთან. ყველას გვქონდა შესაძლებლობა, გვესაუბრა ერთმანეთთან, ყველა მოკავშირესა და პარტნიორთან. ვფიქრობ, ახლა მნიშვნელოვანი მომენტია, შევაფასოთ, სად ვართ რა დასკვნები გამოიტანა რუსეთმა ამ დიპლომატიური საუბრებიდან, ვუთხრათ რუსეთს ზუსტად სად ვართ - და სად არიან ჩვენი მოკავშირეები და პარტნიორები და გავარკვიოთ, შეგვიძლია თუ არა რეალურად გავაგრძელოთ დიპლომატიური გზა ამ კრიზისის მოსაგვარებლად,“- აღნიშნა ბლინკენმა.

აშშ-ის სახელმწიფო მდივანმა იმედი გამოთქვა, რომ სერგეი ლავროვთან შეხვედრა იქნება შესაძლებლობა იმის გასარკვევად, არის თუ არა რუსეთი მოწოდებული იმისთვის, რომ არსებული უთანხმოებები დიალოგის გზით გადაიჭრას.

„ვიმედოვნებ, რომ ხვალ უფრო მეტს გავიგებთ იმის შესახებ, არის თუ არა რუსეთი გულწრფელად მოწოდებული ამ უთანხმოებების დიპლომატიური, დიალოგის გზით გადაჭრას შეეცადოს,“- აღნიშნა ბლინკენმა.

შეგახსენებთ, დღეს ჟენევაში აშშ-ის სახელმწიფო მდივანსა და რუსეთის საგარეო საქმეთა მინისტრს შორის შეხვედრა გაიმართება. მანამდე, ენტონი ბლინკენი უკრაინასა და გერმანიაში იმყოფებოდა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა